برنامج الشركاء المؤسسين

لا — المقاعد للمشتركين الحقيقيين بس. تكدر تجرّب 7 أيام بلا التزام، بس المقعد ينحجز إلك بعد أول دفعة. لو تأخرت بالاشتراك، يمكن يضيع المقعد.

تواصل وياي عبر واتساب ← نفتحلك حساب ← تشترك ← نثبّت إلك المقعد اللي تختاره من المتاح، وياه القنوات اللي تحتاجها (1 لـ 3 قنوات).

أسعار عصفورة ممكن تتغيّر بمرور السنين (تطوّر المنصة، تكاليف الذكاء الاصطناعي، تضخّم). بس نسبة خصمك كمؤسس تبقى ثابتة للأبد.

مثلاً: لو حجزت هسة المقعد 5 بسعر 75,000 (وهي 50% خصم من السعر العام 150,000)، وبعد سنين ارتفع السعر العام لـ 200,000 — انت تدفع 100,000 (نفس نسبة الـ 50%).

انت مو مربوط بسعر اليوم بحرفه، بل بنسبة الخصم — وهذا اللي يحفظ قيمة مبادرتك دوم، مادمت مشترك بلا انقطاع يتجاوز 14 يوم.

عندك 14 يوم سماح بعد انتهاء الاشتراك. لو ما جدّدت بيها، يرجع مقعدك متاح. لو رجعت بعدها، تدفع السعر العام (150,000). راح نراسلك 3 مرات خلال السماح (يوم 14، 7، و 1) للتذكير.

السعر يتدرّج حسب مين أخذ زمام المبادرة أول. اللي حسّوا بالفرصة وبادروا بدعمنا من البداية، إلهم تقدير بسعر أقل — مو مكافأة على مخاطرة، بل اعتراف بمبادرتهم وثقتهم بالأداة العراقية. كل ما تأخّر القرار، يرتفع السعر: الدفعة 1 (1-10) = 75,000، آخر دفعة (91-100) = 145,000، بعدها السعر العام 150,000.

سعر العضوية الأدنى = 50,000 (قناة وحدة، مهما كان مقعدك). 3 قنوات = السعر الكامل لمقعدك. قناتين = المنتصف بين 50,000 وسعر مقعدك (مقرّب لأقرب 5,000). مثلاً المقعد 50 (95,000 كامل): قناتين = 75,000، 3 قنوات = 95,000.

العرض ينتهي بنهاية 2026 (31 ديسمبر 2026) أو لمن تنحجز كل الـ 100 مقعد — أيّهما يجي أول. بعد الانتهاء، المؤسسين الحاليين يحتفظون بأسعارهم المقفّلة، بس ما تكدر تنضم إلهم.